Zirku emanaldiaren data
Uztailaren 21an
La Fundación San Prudenciok Zirkura eramaten zaitu!
Zirkuak, 2019ko uztaileko azken edizioan, La Fundacióneko ehunka familia bildu zituen beraientzat antolatutako saio esklusibo batean. Bertan, haurrek eta helduek ilusioz, barrez, eta malabarismoen eta akrobazien ikuskizun ikusgarriz beteriko arratsalde berezi batez gozatu zuten.
Zirkuak nagusiki familientzat eskaintzen duen ikuskizuna da, ikusle guztiei zirkuaren mundurako hurbilketa eta errespetua proposatzen diena, eta haur eta familia guztiek esperientzia hori modu ahaztezinean bizi dezaten eragiten duena, barrea eta entretenimendua ardatz nagusitzat hartuz.
Aurrekoetan egin izan dugun bezala, ekitaldi hau aukeratu genuen XVII. Familia Sariak banatzeko.
Edizio honetan, honako hauek izan ziren epaimahaikideak: Goiatz Minguez, Eusko Jaurlaritzakoa; Blanca Corral, Arabako Foru Aldundikoa; Nati López de Munain, Vitoria‑Gasteizko Udalekoa; Ernesto García, San Viatorreko Gurasoen Elkartekoa; Carlos Cordovilla eta Itziar Aduna, IRSE Elkartekoak, eta Esther Unceta-Barrenecha, La Fundación San Prudencioren ordezkari gisa. Haiek arduratu ziren familia irabazleei XVII. Familia Sariak emateaz.
Eta sari banaketarako, gurekin izan ziren Gorka Urtaran, Pilar García de Salazar, Beatriz Artolazabal eta Yolanda Berasategui, La Fundaciónen presidentea.
La Fundación San Prudencioren Zirkuaren hurrengo emanaldiaren datak
Nola erreserbatu La Fundación San Prudencioren Zirku ekitaldirako sarrerak? Egon adi, sarrerak agortu egiten baitira eta kopurua mugatuta baitago!
* Titular bakoitzak erosketa aukera bakarra du
* Jakinarazten dizuegu ekitaldia grabatu daitekeela eta/edo argazkiak atera ahal izango direla, eta irudi horiek komunikazio helburuetarako erabili ahal izango direla.
Iaz La Fundación San Prudencioren Zirkuan 500 €-rekin saritutako jardunbide egokiak
Zuriñe Gaztelumendiren familia, ’Neska da!’ jardunbidearekin.
Familia honek kontatzen digunaren arabera, bere alaba jaio zenetik, ospitalean zeudenetik, inguruko pertsonek desberdindu egin nahi zuten neska izate hutsagatik: belarritakoak jartzea nahi zuten eta pijama arrosak oparitu nahi zizkioten, baina gurasoek ezetz esan zuten. Amak nabarmendu du bere bi seme-alabek gela berean lo egiten dutela, etxean berdin-berdin laguntzen dutela, erosketak egiten dituztela, mahaia jasotzen dutela, janaria prestatzen dutela eta landareak ureztatzen dituztela.
Familia honentzat garrantzitsuena ereduarekin heztea da, bai aitak eta bai amak gauzak egiten dituztela ikusiz; milaka gauza egin daitezke inor baino gehiago edo gutxiago direla sinetsi edo sentitu gabe haz daitezen, edo zereginak, koloreak, sentimendua edo bizitza, sexuagatik, aurrez esleituta dituztela uste edo sentitu gabe hazteko.
Mónica Jiménezen familia, familian egindako ‘Ez gara generoa, pertsonak gara’ ekimenarekin.
Familia honek zera proposatzen du jardunbide egoki gisa, ipuinetako pertsonaien rola aldatzen saiatzea eta seme-alabekin hausnartzea. Erraza ez bada ere, estereotiporik gabe hezten saiatu behar garela dio, hizkera zainduz, “mikromatxismoak” saihestuz eta haien aurrean dugun jarrera zainduz.
Guraso garen heinean, aurreiritziak eta aldez aurretik pentsatutako ideiak ezabatu behar ditugu, seme-alaben pentsamendu kritikoa sustatuz. Familia honek nabarmendu du emozioen gaia ere oso garrantzitsua dela, guztiok baitugu horiek sentitzeko eskubidea, sexu batekoak edo bestekoak izanda.
La Fundación San Prudencioren Zirkuan banatutako Familia Sarietan 250 €-rekin saritutako familien jardunbide egokiak
Irune Martínez de Santosen familia, familian egindako ‘Berdintasunerako arrosa’ lanarekin.
Familia honek dioenez, kolore arrosa beren bi alaben eta semearen arteko berdintasunerako erabiltzen dute. Familia honetako 5. kideak bere arreba zaharrenengandik jaso ditu gauza guztiak, hasi gurditxoaren zaku arrosatik eta arrebek erabiltzen zituzten panpinetaraino eta autotxoetaraino, neska edo mutil izateagatik haien artean desberdintasunik ez dagoela ikus ez dezaten.
Beste jardunbide bat da seme-alabak geletan igarotzen ari diren etaparen arabera banatzen dituztela; beraz, neska batek eta mutikoak gela partekatzen dute.
Gurasoek aipatzen dute eredu direla ahal duten gauza guztietan, etxeko lanetatik hasita. Argi dute inork ez diola inori “laguntzen” eta seme-alabak orain arte bezala hezten jarraituko dutela, errespetuan eta maitasunean oinarrituta, eta bakoitzaren gustuak eta izateko moduak kontuan hartuta, behar duten konfiantza emanda, etorkizunean askatasunez aukera dezaten nortzuk diren eta zer egitea gustatzen zaien, genero desberdintasunak markatzen dituzten estereotipoen eraginik gabe.
Amaia Clementeren familia, ‘¿Nor da norrean jolastuko gara?’ Familia Sarietarako proposamenarekin.
Etxe honetan hainbat aldaketa egin dituzte berdintasunean hezteko. Adibidez, seme‑alabek ez daramate belarritakorik, armairuak jantzien neurriaren arabera antolatuta daude, eta ez koloreen, itxuraren edo diseinuaren arabera; arropa eta jostailuak elkarrengandik eta etxeko pertsona bakoitzarengandik jasotakoak dira, eta ilea moztu nahi duten ala ez erabakitzen dute, generoa edozein dela ere.
Familiak duen beste ohitura bat da sexuen arteko bereizketak egiten dituzten gertaerak sare sozialetan salatzea eta partekatzea.
Mila esker parte hartu duzuen guztioi eta zorionak irabazleei!!
Ekitaldiaren babeslea:
La Fundación San Prudencioren 2019ko Zirku ekitaldiko argazkien galeria
Erlazionatutako informazioa
